निवळी गावात पायाभूत सुविधांची व्यवस्था सुयोग्यरीत्या विकसित करण्यात आलेली आहे. येथे ग्रामपंचायत इमारत आहे ज्यामार्फत ग्रामविकासाशी संबंधित सर्व कामकाज केले जाते. पाणीपुरवठा ग्रामपंचायतीच्या सार्वजनिक पाणीपुरवठा योजनेतून नियमितपणे केला जातो, तसेच जलजीवन मिशन योजना देखील प्रस्तावित आहे.
गावात सार्वजनिक सुविधा आणि स्वच्छता उपक्रम ग्रामपंचायतीमार्फत नियमित राबवले जातात. रस्ते व रस्त्यावरील दिव्यांची सुविधा उत्कृष्ट असून प्रत्येक वाडी-वस्तीला जोडणारे पक्के व पाखाडी प्रकारचे रस्ते आहेत. सर्व ठिकाणी स्ट्रीट लाईट व्यवस्था उपलब्ध आहे.
शैक्षणिक सोयींमध्ये जि.प. प्राथमिक शाळा – ५ आणि माध्यमिक शाळा – २ आहेत. बालकांच्या संगोपनासाठी ७ अंगणवाड्या कार्यरत आहेत. आरोग्यसेवेसाठी आरोग्य उपकेंद्र – १ आहे तसेच आरोग्य शिबिरे आणि लसीकरण मोहिमा नियमितपणे आयोजित केल्या जातात. गावात ४ बसथांबे असून संपर्क आणि प्रवासाची सोय सुलभ आहे. या सर्व सुविधांमुळे निवळी गावात विकासाचे मजबूत पायाभूत जाळे उभे राहिले आहे.
